„Microsoft“ официјално го претстави својот нов веб прелистувач. Тој се нарекува „Microsoft Edge“ и ќе е достапен во сите верзии на „Windows 10“ за мобилни уреди и компјутери, соопшти компанијата за време на конференција „Build 2015“.
„Edge“ и „Internet Explorer“ ќе коегзистираат паралелно во „Windows 10“, но главната функција на стариот прелистувач ќе биде да обезбедува компатибилност со постарите технологии. „Edge“ ќе биде стандардниот прелистувач на „Windows 10“ и само тој ќе ги искористи сите нови случувања на „Microsoft“.
Меѓу нив се интеграција на гласовниот асистент „Cortana“, функција за водење белешки врз самите сајтови, целосно нов софтвер за обработка на слики и графики. „Edge“ ќе поддржува и додатоци, слично на „Chrome“ и „Firefox“, а постоечките случувања од конкурентските интернет прелистувачи ќе можат да се преработуваат лесно и за него.
„Microsoft“ објави и кратко видео во кое покажува елементи од „Edge“.
