„Huma Island Palawan Spa Resort“ ресортот со пет ѕвездички се наоѓа во кристално чистиот архипелаг Бусуанга, во неверојатно и магично природно опкружување…
Ви нуди прекрасен панорамски поглед на чистите сини води, во кои се наоѓаат историски потонати бродови од Втората светска војна, како и можност за истражување на вистинската убавина на природата. Грациозно сместување, недопрен морски свет и историски елемeнти од Втората светска војна се работи кои ја поставија оваа локација на врвот на листата на најдобрите места за нуркање. Овој ресорт има своја приватна плажа и нуркачки центар. Покрај истражувањето на потонатите бродови од Втората светска војна, овде можете да уживате и во бројни други активности.
Овој луксузен спа ресорт, инаку инвестиција вредна повеќе милиони долари, се состои од 81 вила, од кои 64 се издигнати над вода, а секоја има свое приватно џакузи. Има одлични погодности како што се големиот инфинити базен, јога павилјонот и неверојатните спа третмани во спа центарот кои има стаклен под.
Други погодности кои ве очекуваат овде се библиотеката, фитнес центарот и клубот за деца. Исто така, тука се и петте ресторани, меѓу кои и италијанскиот „Al Dente“ и целодневниот ресторан „Waves“, кој во својот дел има и „Blu Bar“ во кој можете да се освежите со вкусни коктели и закуски.
Инаку, овој остров е олицетворение на приватноста и мирот. До него се доаѓа со авион или со луксузен брод, а кога еднаш ќе пристигнете на него, нема да сакате да го напуштите.
