„Microsoft“ ги потврди гласините дека „Internet Explorer“ ќе биде заменет со друг интренет пребарувач, кој засега се нарекува „Project Spartan“.
Според магазинот „Verge“, Крис Капосел, директорот за маркетинг во „Microsoft“, објасни дека компанијата работи на ново име и бренд за пребарувач.
„Сега го истражуваме новиот бренд, новото име на пребарувачот кој би требало да се најде во „Windows 10““, вели тој.
„И натаму ќе го имаме „Explorer“, но ќе имаме и нов „browser“, на кој во моментов му го дадовме работното име „Project Spartan““.
Kомпанијата одмана посакува да се ослободи од негативните конотации кои се поврзани со „Internet Explorer“, па направи анкета на корисниците на „Chromе“, пред него да ја донесат одлуката за името на новиот пребарувач.
Иако новиот „browser“ ќе биде главен за преглед на интернет, „Microsoft“ потврди дека „Internet Explorer“ и натаму ќе се наоѓа на некои верзии на „Windows 10“ поради компатибилност.
