Претседателот на Европската централна банка (ЕЦБ), Марио Драги ги повика европските влади при намалувањето на буџетскиот дефицит, да работат и на реформите.
Драги бара поголеми реформи за зголемување на вработеноста и економскиот развој.
Драги изјави дека од особена важност е да се намали високата стапка на невработеноста кај младите лица во Европската Унија, невработеноста кај овие лица во Шпанија и Грција надмина 50 проценти.
Тој ги пофали земјите кои забележаа напредок во намалувањето на буџетскиот дефицит на просечните 3,5 проценти од бруто домашниот производ. Драги истакна дека постои голема потреба да се донесат регулативи кои ќе овозможат отварање на нови работни места.