Од модната куќа „Creed“ можете да добиете уникатно и рачно направено шише, кое содржи „Royal Exclusive“ парфем по ваш избор…
Златното, рачно направено „Poche“ стаклено шише ќе ги содржи на себе вашите иницијали испишани со краснопис, што на целиот изглед ќе му даде допир од вашиот личен стил. „Les Royales Exclusives Gilded Edition“ златното шише во себе содржи парфем по ваш избор, односно „Jardin D’Amalfi“, „Pure White Cologne“, „Spice & Wood“, „Sublime Vanille“ или „White Flowers“.
Исто така ова специјално издание со себе носи и уникатен подарок од „Creed“. Станува збор за префинет златен распрскувач кој е претставен во златно кожна облога. Во него можете да ставите било кој парфем.
Едно издание на овој парфем кој целосно ќе биде прилагоден на вас и направен според вашите желби чини 5.000 долари. Доколку нарачате ваков парфем, поради рачната изработка ќе мора да ја почекате испораката околу 16 недели.
