Во текот на минатата година, „Samsung“ водеше интезивни преговори околу купувањето на компанијата „LoopPay“, a сега соопштено дека јужнокорејската компанија ја купила „LoopPay“ за сума која не е обелоденета.
„LoopPay“ е систем за мобилно плаќање кој се разликува од другите кои користат „NFC“ конекција, потпирајќи се на магнетните терминали во малопродажните објекти. „LoopPay“ овие картички читачи ги претвора во приемници, а корисникот плаќањето го врши со дигитална картичка за плаќање која е сместена во телефонот.
Со употребата на оваа технологија, „Samsung“ веќе има предност во споредба со сервисот „Apple Pay“, затоа што преку 10 милиони локации го поддржуваат системот „LoopPay“ (наспроти 220.000 кои моментално го поддржуваат Apple Pay).
Инџонг Ри, шефот на „Samsung“ за мобилното плаќање, не сакаше да каже дали за овој систем ќе дознаеме повеќе за време на „MWC 2015“ во Барселона. Сепак, тој истакна дека „Galaxy S6“ ќе го поддржува овој сервис.
Покрај опцијата за плаќање, „Samsung“ сака на корисниците да им обезбеди и информации за тоа колку трошат.
