Цените на недвижностите секогаш варираат, се зголемуваат и се намалуваат, и практично секој ден имаме некој нов најскап имот…
Овој пат, ви го претставуваме овие скапоцени пентхауси кои се достапни само за изнајмување, а се наоѓаат во Вашингтон. Оваа група од станови е продадена по цена од 195 милиони долари за 212 единици, односно околу 920.000 долари по стан. Тоа можеби и не делува така скапо зар не? Но фактот е дека еден ваков стан може да се изнајми по цена од 12.000 долари месечно.
Оваа станбена заедница го зголемува стандардот на животот со својот пентхаус кој се наоѓа на највисокото ниво. Овде можете да уживате во се – преку винските ладилници, до двојните печки, приватните балкони и феноменалните тераси кои ја користат својата идеална позиција.
Оваа резиденција ќе ви покаже што е тоа префинет стил со своите високи плафони и подови од цврсто дрво, камени работни површини, мермерни камини и приватни ексклузивни тераси од кои се овозможува поглед кон префинетата панорама на Вашингтон.
Овде можете да уживате во гурманската кујна, скара на кровот, базени, библиотека и клубска соба, како и фитнес центарот и уште многу други нешта.
