Издржливоста на батеријата на смартфонот е една од најбараните карактеристики при изборот на уред.
За да одговори на оваа потреба, кинескиот производител на смартфони „Lenovo“ на домашниот пазар го претстави моделот „P70“ со батерија од 4000mAh. Со оваа батерија смартфонот ќе може да биде користен за разговор до 18 часа, како и во режим на подготвеност до 29 дена.
Моделот е со 5-инчен дисплеј со резолуција од 1280 x 720 пиксели и со оперативниот систем „Android 4.4 KitKat“. Тој има осумјадрен процесор на „MediaTek“ со фреквенција од 1.7 GHz, а располага со 2 GB RAM меморија и 16 GB внатрешна меморија која може да се прошири со картичка до 32 GB.
Смартфонот има 13-мегапикселна камера со автоматски фокус, како и 5-мегапикселна предна камера. Тој е со можност да работи со 4G мрежи.
Иако има импресивна батерија, моделот е со дебелина од само 8.9 мм, а притоа тежи 149 грама.
Уредот може да се полни за разговор до 3 часа за само 15 минути.
Цената на „Lenovo P70“ во моментов е на ниво од околу 225 долари (388 евра), а во моментов се нуди само во Кина и Русија, но не е познато кога ќе се појави на другите пазари.