За да бидете здрави не треба само да водите активен живот и да се храните здраво. Некои работи мора да ги отстраните од својата околина – притоа не се мисли само на брзата храна. Овие работи треба да ги исфрлите од вашиот дом…
1. Стари пластични садови
Прегледајте ги пластичните садови за чување на храната кои ги имате и фрлете ги сите кои се направени од чиста, цврста пластика која на себе ја содржи ознаката 7 или „PC“ (поликарбонат), бидејќи овие пластични садови содржат бисфенол А.
2. Антибактериски сапуни
Антибактериските сапуни не не ништо поделотворни во убивањето на бактериите од останатите сапуни, а според истражувањата, тие можат да бидат и штетни. Триклосан, активната состојка во антибактериските сапуни, влијае на работата на хормоните кај животните, па постојат сомневања дека оваа хемикалија може да предизвика отпорност на антибиотици кај луѓето.
3. Износени патики
По секои 500 до 650 километри треба да ги замените патиките за трчање, вели Џејсон Карп. Значи ако некој трча 50 километри неделно, патиките би требало да ги промени после три месеци. Кога патиките премногу долго се носат, нивните перничиња се истенчуваат, па се јавуваат болки во мускулите и коските, бидејќи е намалено количеството на материјал кој го ублажува допирот на стапалото со земјата. Ако не трчате, патиките менувајте ги на секои 6 месеци.
4. Потрошена четкичка за заби
Ако забите ги миете наутро и навечер, како што треба, влакната на четкичката се трошат брзо. Тие почнуваат да се искривуваат или уништуваат за два месеци, што значи дека четкичката за заби би требало да ја менувате на секои три месеци. Расцветаните четкички се помалку ефективни, па ако ги користите, само поттикнувате крварење на непцата.
5. Облека која повеќе не ја носите
Колку работи облековте од вашиот плакар во текот на минатата година? Ако вашиот плакар е пренатрупан, фрлете ги сите работи кои долго време не сте ги носеле. Нема смисла да се нервирате копајќи по нив секој пат кога се пресоблекувате.