„Ballon Bleu“ е една од најпопуларните колекции на брендот „Cartier“, а се состои од луксузни часовници со ненадминлива елеганција…
Овие часoвници можеме да ги видиме на рацете на Кејт Мидлтон и на другите членови од британското кралско семејство. „Serti Vibrant“ изданието тешко може да се смести во некоја одредена категорија – не е во голема мера екстравагантен, но тоа сепак тешко може да се каже за часовник кој е декориран со толкав број на дијаманти.
Тој има куќиште со пречник од 42 мм направено од 18-каратно бело злато, декорирано со 201, како и сини стелки и круна која е декорирана со сафири. Прекрасниот бројчаник е декориран со 123 брилијантно сечени дијаманти, кои се поставени така што сите заедно осцилираат и создаваат ефект кој претходно не е виден на ниту еден рачен часовник. Тоа не е се: „Serti Vibrant“ часовникот има и ремен од родиум со 18-каратно бело злато, кој е декориран со 985 дијаманти, што значи дека сите скапоцени камења на овој часовник заедно тежат 15 карати.
Само 20 парчиња од овој префинет часовник наречен „Serti Vibrant“ ќе бидат произведени, а секој индивидуално ќе биде нумериран и ќе чини 250.000 долари.