Ви претставуваме куќа која е дизајнирана во облик на елипса…
Оваа модерна и софистицирана куќа во облик на елипса се наоѓа во Валенсија, Шпанија.
Куќата се наоѓа на голема, пространа парцела, се граничи со терен за голф и прекрасни бујни градини. Таа поседува базен во облик на полумесечина, кој се наоѓа во рамките на градината со импозантна површина.
Континуираната бела фасада и стаклото и даваат футуристички карактер на куќата. Фасадата со својот впечатлив израз вешто ја крие двокатноста на куќата.
На долниот кат се наоѓаат дневната и кујната кои се отвараат кон градината. Вториот кат е исполнет со соби кои се отвораат кон терасата и создаваат куќа со повеќе обединети простори.
Во куќата е прикажана минималистичка палета на бои, во распон од бела до црна и различни тонови на сива.
