Американскиот софтверски гигант „Microsoft“ ќе понуди бесплатно ажурирање до „Windows 10“ за сите корисници на верзиите на „Windows 7“, „Windows 8.1“ и „Windows Phone 8.1“, стана јасно за време на прес-конференција во Редмонд.
Овој предлог сепак ќе важи само во рамките на првата година по излегувањето на „Windows 10“ на пазарот.
„Во рамките на овие 12 месеци корисниците ќе можат да ги обноват оперативните системи целосно бесплатно за секој уред со верзии „7“ и „8.1““, изјави потпретседателот на „Microsoft“, Тери Мајерсон, цитиран од „TechCrunch“.
Со овој потег, компанијата ќе се обиде да ги охрабри корисниците да се префрлат на новиот оперативен систем на различни уреди.
Освен тоа „Microsoft“ потврди дека нема да има „Windows Phone 10“, а верзијата на платформата за смартфони ќе се вика едноставно „Windows 10“. Со унифицирани софтвер компанијата има намера да го олесни процесот на ширење на апликациите меѓу различни уреди.
Мајерсон исто така, најави дека „Microsoft“ ќе го третира „Windows“ во иднина како услуга, а не како оперативен систем. Затоа, корисниците треба да добиваат бесплатни ажурирања за „Windows 10“ на сите уреди во текот на целиот нивен животен циклус. Бројот на верзијата веќе нема да е важен, појаснува тој. Поинаку кажано – компанијата ветува дека ќе го одржи постојано софтверот на уредите во нивниот животен циклус, што значи дека корисниците нема да се срамат каква верзија на софтверот користат, бидејќи тој секогаш ќе биде со нов датум.
Важен аспект од новата стратегија на „Microsoft“ е да натера што е можно повеќе корисници со сите уреди да преминат кон истата верзија на „Windows“, па програмерите можат да креираат апликации за една единствена платформа. Самата „Microsoft“ развива голем број на нови апликации специјално за „Windows 10“.
Претставници на софтверската компанија демонстрираа и нови „Universal Apps“ кои „Microsoft“ ќе ги испорача заедно со „Windows 10“ за персонални компјутери, телефони и таблети. Под „Universal Apps“ компанијата разбира такви апликации, кои располагаат со вкупен код. Меѓу „Universal Apps“ спаѓаат контактите, календарот, музиката, мапите, фотографиите и „Outlook“.
Ова, се разбира, е доста добра вест за програмерите. Со присуство на универзални „Windows“ апликации кои работат на сите уреди, тие ќе создаваат само една апликација за „PC“, таблети, паметни телефони, „Xbox“.
Засега се уште недостасуваат детали, пред се за хардверските барања кон постарите компјутери, но компанијата ќе обезбеди максимално лесен начин за обновување, кој би требало да се зголеми значително ширење на „Windows 10“.
„Windows 10“ ќе ги коригира некои од грешните чекори при објавувањето на „Windows 8“. Меѓу нив е и недостатокот на традиционалното „старт“ мени. „Windows 10“ ќе е со новото „старт“ мени, како одговор на желбите на повеќето корисници.
Има и друга новина. „Cortana“ – личен дигитален асистент на „Microsoft“, познаник од „Windows Phone“, а за прв пат се појавува на персонални компјутери и таблети со „Windows 10“. Има функции како гласовно пребарување или пребарување на податоци за летови или за времето, сличен на дигиталниот асистент на „Google“ – „Google Now“.
„Windows 10“ вклучува и нов прелистувач – „Spartan“. Информациите за него се појавија пред околу еден месец. „Spartan“ се развива како проект, различен од „Internet Explorer“, и ќе предложи нови можности, на пример пишување на белешки директно на „web“ страници.
