Германски „Volkswagen“ минатата година оствари силни продажни резултати, продавајќи повеќе од 10 милиони возила.
Овој најголем европски производител на автомобили објави дека во 2014-та година има продадено 10.14 милиони возила, што е зголемување за 4.2 проценти во однос на претходната година.
Во соопштението пред годинешниот авто-саем во Детроит, извршниот директор на „Volkswagen“, Мартин Винтеркорн, истакна дека ваквите резултати се остварени и покрај предизвикувачките услови на пазарите.
Продажбата во последните 12 месеци делумно беше поттикната со одличните резултати на луксузните марки на „Volkswagen“, „Audi“ и „Porsche“, како и со растот на чешката линија на автомобили „Škoda“.
Компанијата има за цел во рок од три години да стане најголем производител на автомобили во светот, сметано според продажбата. Во 2013-та година, „Volkswagen“ го претекна американски „General Motors“ и стана вториот најголем производител на возила зад „Toyotа“. Во компанијата се надеваат дека јапонскиот ривал ќе го надминат до 2018-та година.
