„Samsung“ неодамна ги претстави телефоните „Galaxy A5“ и „Galaxy A3“, а покрај нив официјално ги најави и „Galaxy E7“ и „Galaxy E5“ моделите. Но, на официјалната презентација на „Galaxy A“ во Малезија, „Samsung“ го презентираше својот најтенок телефон досега, моделот „Galaxy A7“.
„Samsung Galaxy A7“ ќе поседува метално куќиште со 5.5 инчен „Super AMOLED“ екран со резолуција од 1080p и дебелина од 6.3mm, што е за 0.4mm потенок од „Galaxy A5“ и „Galaxy Alpha“ моделите.
Исто така овој уред ќе има 64-битен „Snapdragon 615“ чипсет со „octa-core“ процесор со такт од 1.5GHz, 2 GB RAM меморија, 16 GB интерна меморија, „LTE“ поддршка и батерија од 2.600mAh.
Oвој уред ќе започне да се продава на малезискиот пазар на почетокот на февруари по цена од 420 долари. Засега не е познато дали овој смартфон ќе се појави на некои други пазари.
