„Apple“ објави рекордни приходи од продажбата на содржини од „App Store“. Во текот на 2014-та оваа продавница за апликации оствари приход во висина од 15 милијарди долари, што е за 50 проценти раст во однос на една година претходно.
Исто така, благодарејќи на поголемите „iPhone“ уреди, во првата недела од оваа година соборен е уште еден рекорд, остварен е приход во висина од скоро половина милијарда долари. Дополнително, 1-ви јануари 2015-та бил најпрометниот ден во историјата на „App Store“.
Оваа продавница моментално брои 1.4 милиони апликации за „iPhone“, „iPad“ и „iPod touch“, a посебно за „iPad“ се достапни 725.000 aпликации.
„Apple“ од продажбата во „App Store“ на сопствениците на апликации им зема 30% од износот, што значи дека само оваа година на програмерите им се исплатени преку десет милијарди долари.
Од компанијата се пофалија дека „iOS“ и поврзаните екосистеми за шест системи создале 627.000 работни места во САД.