„Microsoft“ најверојатно со „Windows 10“ ќе лансира и целосно нов интернет „browser“ со кодно име „Spartan“, кој би требало да го замени познатиот „Internet Explorer“, објави „ZDNet“.
„Spartan“ е можност за отстапување на „Microsoft“ од некогаш најдоминантниот интернет прелистувач, чија популарност опаѓа од година во година и кој го следи репутацијата на бавен, гломазен и неефикасен.
„IE“ некогаш имаше 90 проценти од пазарниот удел, а иако познатата монополска позиција на „Windows“ му зачува 58 отсто од десктоп „колачот“ (само 2% на мобилниот), пазарот одамна го превземаат конкурентските „Google Chrome“ и „Mozzilla Firefox“.
Како што наведува „ZDNet“, „Spartan“ ќе ги нападне двата пазари, би требало повеќе да наликува на конкуренцијата, а како што вели неговото име, ќе биде многу побрз, полесен и флексибилен во однос на „постариот брат“.
Со „Windows 10“ би требало да пристигнат и „Spartan“ и „Internet Explorer 11“, но се шпекулира дека тоа би можело да биде последното издание на „IE“.
Со оглед на правецот во кој новиот шеф Сатја Недела го води „Microsoft“, можно е дека „Spartan“ ќе осамне и на екраните на уредите кои работат и на други оперативни системи, односно можно е да се појави и во „Android“ и „iOS“ верзиите.
За жал, првиот поглед на „Spartan“ веројатно ќе можеме да го видиме на 21-ви јануари, кога би требало „Microsoft“ во јавноста да прикаже уште некои нови можности на „Windows 10“.
