Бројот на невработени во Шпанија во февруари надмина пет милиони лица, поради забавувањето на четвртата по големина економија во еврозоната и воведувањето мерки за штедење, соопшти шпанското Министерство за труд.
Во февруари, бројот на невработени на месечно ниво е зголемен за 59.444 или 1,9 проценти, на 5,04 милиони, се наведува во соопштението на Министерството.
Вкупниот број на невработени во четвртиот квартал на 2012 година изнесува 26,02 проценти, што е највисоко ниво од 1975 година.
Шпанија се соочува со двојна рецесија, бидејќи се уште не е целосно заздравена од падот на пазарот на недвижности во 2008 година.
Конзервативната влада на премиерот Маријан Рахој, спроведе остро намалување на потрошувачката и зголемување на даноците со цел да оствари заштеда од 150 милијарди евра во периодот меѓу 2012 и 2014 година.
