Новата ѕвезда на небото на добро информираните „твитерџии“ е „@upleaks“. Досега веќе објави дел од спецификациите за новиот „HTC One M9“, a сега ги знае скоро сите карактеристики на овој модел.
Дијагоналата на екранот ќе изнесува пет инчи со резолуција од 1.920×1.080 пиксели. Смартфонот ќе го користи процесорот „Qualcomm Snapdragon 810“ со четири јадра, ќе има 3 GB работна меморија и батерија од 2.840 mAh.
Предната камера на овој уред ќе има резолуција од 20.7 мегапиксели, а задната од 13 мегапиксели (или 4 мегапиксели доколку „HTC“ се одлучи на технологијата „UltraPixel“). Димензиите на новиот паметен телефон на „HTC“ се 144 x 69 x 9,5 mm.
Од софтверска страна, уредот ќе работи на „Android 5.0“ со интерфејсот на „HTC“ – „Sense 7.0“. Oд додатоците за мобилен, достапни ќе бидат „Active Headset“, „DotView“, „DecoStand Case“, „Clear Case“, „Active Case“ и „Premium Screen Protector“.
Се очекува пазарното лансирање на „HTC One M9“ да биде во текот на март.
