Економијата на Бразил, поради ослабнувањето на домашната валута, се намали за повеќе од 2.000 милијарди долари, колку што и се зголеми економијата на Велика Британија.
Минатата година Бразил забележа најмал економски раст во последните три години. Бруто домашниот производ (БДП), кој претставува вредност на сите произведени добра и услуги, минатата година се зголеми за 0,9 отсто, што е значително помалку од владините предвидувања од почетокот на 2012 година, кога прогнозираа раст од 4,5 отсто.
Во 2011 година, Бразил забележа раст на БДП од 2,7 отсто и така ја потисна Велика Британија на шесто место на најголемите економии во светот. Но поради лошите резултати од минатата година, Бразил се врати на седмото место.
Освен ослабнувањето на домашната валута, уште една отежителна околност за Бразил е сушата, најлоша кога и да е забележана. Најлоша е ситуацијата во северно-источниот дел на државата. Бразилската Влада досега инвестираше милијарди долари во градежен проект за пренасочување на одделни реки, за да се обезбеди вода за милиони луѓе.
