Висока турска делегација, предводена од сопругата на претседателот на Владата на Р.Турција, г-ѓа Саре Давутоглу, ја посети Клиничката болница „Аџибадем Систина“. Десет члената делегација од Р. Турција, преку обиколка на болницата, имаше можност да се запознае со работата, условите и можностите на одделите и центрите во „Аџибадем Систина“.
Г-ѓа Давутоглу, со менаџментот на болницата го сподели своето задоволство, од целата посета и од функционирањето на Клиничката болница „Аџибадем Систина“. Таа додаде дека партнерството со Здравствената групација Аџибадем е пример за две пријателски земји, кои имаат одлична соработка во секоја сфера на општественото живеење, вклучувајќи и здравството. Ја поздрави инвестицијата на „Аџибадем“ во Македонија и се заложи за проширување на оваа соработка.
Во текот на посетата на болницата г-ѓа Давутоглу го поздрави и пациентите на кои им посака побрзо оздравување. Оствари средба и со врвниот тим на специјалисти. Високата гостинка од Р. Турција посебен интерес покажа за одделот за гинекологија и ИВФ.
Со докторите од одделот за ИВФ го сподели своето воодушевување од бројот и успехот на ИВФ циклуси кои досега се направени. Според неа ова е импресивна бројка и доказа за успешна работа. Г-ѓа Давутоглу додаде дека како жена и гинеколог кој се залага за спонтаните породувања наспроти породувањата со царски рез, ги подржува докторите од „Аџибадем Систина“ во нивната заложба, секогаш кога е возможно да се одбере спонтаното породување.
Во текот на посетата г-ѓа Давутоглу разговараше и со докторите од центарот за онкологија и радиотерапија, и ја даде својата поддршка во заложбите на специјалистите и на целиот менаџмент на болницата, да продолжат да го овозможат најдоброто лекување за пациентите со карцином. Со нив го сподели и своето воодушевување од технологијата која ја поседува болницата на одделот за онкологија и радиотерапија.
За време на посетата г-ѓа Давутоглу беше придружувана со д-р Јана Марин, член на одборот на директори во Клиничката болница „Аџибадем Систина“ и менаџментот на болницата, кои ја споделија приказната и развојот на „Аџибадем Систина“, која прерасна во здравствен лидер во регионот.
