„Facebook“ во април 2012-та година ја најави аквизицијата „Instagram“ зa износ од милијарда долари. За разлика од оние кои тврдеа дека ова е лош потег, се чини дека во „Facebook“ имале добро чувство за бизнис.
Имено, според проценката на „Citigroup“, „Instagram“ денеска вреди дури 35 милијарди долари.
За повторна евалуација на вредноста на оваа друштвена мрежа дојде по неодамнешната објава дека „Instagram“ има преку 300 милиони активни месечни корисници, бројка со која се најде пред „Twitter“. Дополнително, во „Citigroup“ веруваат дека „Instagram“ би можел да очекува и две милијарди долари годишен приход.
Аналитичарите веруваат дека клучот на финансискиот успех на „Instagram“ ќе бидат спонзорираните објави и рекламите кои во иднина ќе бидат поврзани со корисниците на „Facebooka“, па така ќе бидат прикажувани на двете мрежи.
