„Skype“ прави сериозни чекори во надминување на јазичните бариери. Популарната програма за разговор започнува тестови на гласовни преводи во речиси реално време.
„Skype Translator“ засега може да преведува од англиски на шпански и обратно. Функцијата им овозможува на корисниците да зборуваат на својот јазик и да ги слушаат одговорите на истиот. Сето тоа се случува во речиси реално време со минимално задоцнување. Освен тоа паралелно се покажува и текст на преводот.
Технологијата е резултат од неколкуогодишни студии на екипата на „Microsoft Reasearch“. Функцијата работи само на „Windows 8.1“ и тест верзијата на „Windows 10“.
Засега „Skype Translator“ се демонстрира од компанијата, како технологија, која е погодна за ученици. Гласовните преводи работат само на шпански и англиски јазик, но како текст поддржуваат уште 40 други јазици.
За развојот на технологијата биле потребни инвестиции во препознавањето на гласот, автоматски превод, технологии за обучување на машини и други, посочуваат од „Microsoft“. Компанијата додава дека колку повеќе се користи, толку повеќе „Skype Translator“ ќе станува повеќе прецизен и ќе го подобрува квалитетот на преводите автоматски.
Долгорочната цел на софтверскиот гигант е да додаде што е можно повеќе јазици кон „Skype Translator“. Засега функцијата е пробна верзија и компанијата не гарантира перфектни резултати секој пат.
