Главната задача на неодамна основаното одделение за берзанско тргување во „Gazprom“ ќе биде не само организација на учеството на концернот во берзанските тргувања на платформите, туку и основање на сопствена берза на која ќе продаваат гас за извоз, беше објавено од компанијата.
„Gazprom“ уште во 2008-ма година ги најави плановите за основање на гасна берза во Санкт Петерсбург, која со пуштањето на Северниот тек ќе стане и главен извозен центар.
Гасоводот започна да работи уште во 2011-та година, но никој не се брзаше да ја создаде берзата.
Самот тргување со гас во Русија е обновено во октомври оваа година на берзата „SPIMEKS“. Минатата недела концернот ги објави плановите за формирање на извозен центар во Турција.
„Gazprom“ од 2006-та дo 2008-ма година успешно тргуваше со гас на Електронската платформа за тргување на „Gazprom“, а потоа следеше шестгодишна пауза.
Во составот на Берзата во Санкт Петерсбург ќе бидат најмалку пет одделенија – самата берза, како и логистика, анализа, сектор за информатичка технологија и сектор за соработка со државните органи.
