Секоја промена на најпопуларната друштвена мрежа предизвикува негодување кај корисниците, но овие правила првенствено се однесуваат на начинот на прикажување на содржините и нивна контрола.
Доколку сте корисник на мрежата „Facebook“ сигурно сте добиле нотификација за тоа дека новите правила стапуваат на сила на 1-ви јануари 2015-та година. Раководството на оваа друштвена мрежа овозможи многу прецизен преглед на страницата „Основи на приватноста“ или „Privacy Basics“ (зависи на кој јазик ја користите оваа мрежа).
На таа страна добивате визуелен преглед на сите „Facebook“ правила и начини за поставки на приватноста со цел полесно да контролирате кој се може да ги види постовите.
Новите правила лошо ќе се рефлектираат на корисниците и компаниите кои ги користеле своите страници за промотивни цели. Имено, новиот алгоритам значајно ќе ја намали видливоста на постовите кои не се платени. На тој начин, само мал број на корисници ќе добијат информација за некој производ или сервис, па платените постови ќе останат регулирани на начинот на промоција.
Воедно, промената на правилата на промоцијата се однесува на начинот на промоцијата со тагувањето. Имено, не е повеќе дозволено поврзување на корисниците да се тагираат на фотографии, туку тоа ќе можат исклучиво да го прават во коментарите. Сите правила можете да ги погледнете на овој линк.
