Останаа уште неколку недели до крајот на оваа година, што значи дека сите компании ги претставија своите најмоќни модели. Ова е споредбата на актуелните таблети.
„HTC Nexus 9“
Последниот таблет на „Google“ доаѓа од тајванската компанија и освен одличните спецификации, многумина го сакаат поради тоа што работи на новиот „Android 5.0“. Ова е воедно и еден од ретките таблети кои работат на процесорот „Nvidia Tegra K1“ со две јадра и такт од 2.3 GHz. Уште еден голем плус за овој уред е батеријата која има капацитет од дури 6.700 mAh.
Цена: 400 eвра
„Apple iPad Air 2“
Новиот модел на компанијата „Apple“ наскоро ќе го има на скоро сите пазари, а новитетите кои ги има гарантираат успех и во продажбата. Ова е еден од најтенките таблети на светот, дебелина од само 6.1 милиметри, додека останатите карактеристики кои го сочинуваат се дисплејот од 9.7-инчи и резолуцијата од 1.536 x 2.048 пиксели, камерата од осум мегапиксели и процесорот од 1.5 GHz.
Цена: 500 eвра
„Lenovo Yoga Tablet 2“
„Windows“ таблетите немаа толку успешна година, но кинескиот гигант претстави одличен уред пред неколку недели кој работи на верзијата „8.1“ и ги носи сите предности на овој „OS“ спакувани во малиот уред. Дисплејот од осум инчи има „FullHD“ резолуција, а работи на процесорот „Intel Atom“ и два гигабајти работна меморија. Исто така, батеријата е за секоја пофалба и овозможува повеќечасовна работа.
Цена: 250 eвра
„Samsung Galaxy Tab 8.4“
Претставен пред неколку месеци, се уште е актуелен поради одличните карактеристики кои го прават „AMOLED“ дисплејот од 8.4 инчи, резолуцијата од 1.600 x 2.560 пиксели. Тука се стерео звучниците, батеријата од 4.900 mAh и камерата од осум мегапиксели за солидни фотографии. Се очекува овој уред да биде надограден со новата верзија на „Android“ некаде на почетокот на следната година.
Цена: 260 eвра
