Американската компанија „Apple“ е позната во целиот свет со своите високо-технолошки производи со супериорен дизајн. Се разбира, за да стигне до својата слава, таа има направено не една или две грешки, вклучувајќи и пуштање во продажба на производи, кои не се добро прифатени од страна на корисниците.
Еве некои од најпознатите неуспешни производи на „Apple“ во нејзината историја, претставени од „Business Insider“:
„Саунд“ систем „iPod Hi-Fi“.
Базиран на популарниот уред „iPod“, „Apple“ се обложува на успехот на овој хибриден „саунд“ систем. Покрај интересниот дизајн, тој без сомневање не успева да го реплицира квалитетот на звукот како конкурентните системи, и на крајот се покажува како неуспех.
Хокеарски глушец.
Ова глувче е претставено со првиот „iMac“, но формата го прави неговото користењето исклучително тешко и тоа доведува до негово повлекување.
Телевизискиот проект „Macintosh TV“.
Пред Стив Џобс да премине кон идејата за „Apple TV“, компанијата лансираше сличен проект во 1993-та година. Нискиот квалитет на репродукција на сликата е главна причина од него да сe продадат само 10.000 парчиња.
Конзолата „Pippin“.
Произведена од компанијата „Bandai“, ова е прв обид на „Apple“ да влезе во бизнисот со играчките конзоли. Од неа сепак се продадени едвај 42.000 парчиња, пред да биде запрен во 1997-ма година – само една година по нејзиното претставување.
Десктоп „Apple III“.
Успехот на десктопот „Apple II“ ја натера компанијата да пушти и трета серија. Неговиот нефункционален дизајн ја принудува да ги откупи назад првите 14.000 продадени парчиња.
Дигиталната камера „Apple QuickTake“.
Претставена во 1994-та година, ова е една од првите дигитални камери, предложени на потрошувачите. За жал, на пазарот се уште не е подготвен за овој производ и тоа ја натера компанијата да го прекине производството во 1997-ма година.
Лаптопот „Macintosh Portable“.
Тоа практично е првиот лаптоп, произведен од компанијата. Покрај проблемите поврзани со екранот и батеријата, тој чини 7.300 долари, кога се појави на пазарот во 1989-та година – износ невозможен за многу од корисниците.
Десктоп „Mac G4 Cube“.
Воведен во 2000-та година, овој производ е премногу скап за тоа време, затоа што имаше цена од 1.799 долари. Тој имаше проблеми поврзани со прегревање, и затоа е „замрзнат“ во 2001-ва година.
Мобилниот телефон „ROKR E1“.
Произведуван од „Motorola“, мобилниот телефон е брендирани од „Apple“, а тоа е првиот мобилен уред со можност за преслушување на мелодии од „iTunes“. Претставен во 2005-та година, тој е запрен една година подоцна поради ограничената меморија и бавниот трансфер на податоци.
„Bluetooth“ слушалки.
Компанијата ги претставува сопствените слушалки во 2007-ма година заедно со првата генерација на „iPhone“. Разочаран од нивната побарувачка, сепак „Apple“ одлучи да го запре нивното производство во 2009-та година и да нуди слушалки на други компании во нивните продавници.
