„Facebook“ се пофали во понеделникот дека нивниот сервис „Messenger“ за размена на пораки го користат повеќе од половина милијарди луѓе.
До оваа бројка дојдоа за само неколку месеци, откако објавија дека оваа услуга ќе ја одвојат од апликацијата на „Facebook“.
Корисниците добија известување дека мораат да го инсталираат „Messenger“ како посебна апликација, доколку сакаат и натаму да испраќаат пораки, слики и останатите можности.
Оваа бројка е близу 600 милиони корисници, колку што има и „WhatsApp“, кој пак „Facebook“ го купи за 19 милијарди долари.
Но, „Facebook“ има големи планови и за „Messenger“. Шефот на овој сервис, Давид Маркус, за „Wired“ изјави дека целат кон милијарда корисници.
Но, како што пишувавме пред извесно време, „Facebook“ планира во „Messenger“ да вметне опција за мобилно плаќање и испраќање на пари, па така да влезат во големиот пазар за финансиски услуги. Тоа беше очигледно добра причина за одвојување на апликациите.
Која апликација за пораки Вие ја користите? „Messenger“, „WhatsApp“, „Viber“…
