Што мислите кој е најдобриот избор на храна кога немате време сами да ја подготвите?
Чувствувате глад и сакате брза храна? Заборавете на тоа, бидејќи новите истражувања порачуваат дека луѓето кои јадат замрзната храна наместо брза храна внесуваат помалку калории и повеќе нутриенти.
Во истражувањето, луѓето кои јаделе смрзната храна внеле 253 калории помалку и 27 проценти повеќе влакна, како и 43 проценти повеќе витамин А, 15 проценти повеќе калциум за разлика од оние испитаници кои јаделе брза храна.
Доколку претерано сте гладни и немате време да си подготвите свежа храна, смрзнатата храна во секој случај е подобар избор отколку брзата храна. Можете да ја подобрите со додавање на зеленчук или претходно зготвени протеини.