Kомпанијата „Microsoft“ се вклучи во трката со другите компании на полето на паметни нараквици со уредот наречен „Band“.
Ова е прв таков уред од „Microsoft“ и доаѓа со три различни големини и има две хардверски копчиња. На „Band“ доминира „LCD“ дисплеј на кој се покажуваат основните информации, како времето и датумот. Дисплејот е поставен од внатрешната страна, што е разлика во однос на другите вакви уреди.
Покрај тоа на него можат да се следат сите фитнес податоци, како направените чекори, изминатото растојание, работата на срцето и потрошените калории.
Нормално, кога уредот ќе се поврзе со телефон, нуди и нотификации од „e-mail“ сервисите и друштвените мрежи. На себе има вграден „GPS“ за следење на корисникот, а тој може да се исклучи по желба.
Овој уред може да се синхронизира по пат на посебна апликација и да се следи целата историја на вежбање.