Почетните резерви на смартфонот на „Google“ – „Nexus 6“, сосема очекувано, многу бргу се купени. И покрај релативно високите почетни цени (во однос на претходните уреди од „Nexus“ серијата), заинтересираните купувачи телефонот во сите верзии го купија само неколку минути по отворањето на претплатите во „Google Play“ продавницата.
Смарфонот за „Google“ сега го произведува „Motorola“, a уредот е препознатлив по дизајнот на „Motorolа“ и некои интресни решенија (како блицот кој е интегриран во рамката на објективот на камерата), а нуди и одличен хардвер.
„Google Nexus 6“ има голем 5.9-инчен „AMOLED“ eкран со резолуција од 2.560 x 1.440 пиксели (493 ppi), процесор со четири јадра „Snapdragon 805“ со 3 GB RAM, како и задна камера од 13 мегапиксели.
Овој паметен телефон сериски доаѓа со „Android 5.0 – Lollipop“ и шестмесечен бесплатен пристап за влез во „Google Play Music“. Цената на овој уред изнесува 649 долари за моделот со 32 и 699 долари за верзијата со 64 GB интерна меморија.
