„Milan Condominium“ е прекрасно дизајнирана зграда, со 24-часовна услуга, консиерж, градинар, фитнес центар и гаража…
Овој прекрасен стан се наоѓа во Њујорк, во овој престижен станбен комплекс. „Penthouse B“, како што се нарекува овој дом, ви нуди прекрасен поглед на градот и на „East River“. Зазема површина од околу 400 метри квадратни, има три спални соби, три бањи и пред некое време е реновиран за да ги задоволува сите вкусови, па дури и оние на најсложените клиенти.
Ѕидовите од стакло кои се наоѓаат под високите плафони се нагласени со прекрасна природна светлина. Широките подови од даб, двата камина и приватната тераса ги прават совршени амбиентот и опкружувањето. Овој дом е замислен за луѓе кои често прават забави, или за семејство кое планира проширување.
Инаку, лобито на овој прекрасен и луксузен комплекс е користен во многу филмови и серии, како што се „Gossip Girl“, „Wolf of Wall Street“ „Good Wife“ и „Curb your Enthusiasm“. Зградата се наоѓа на само неколку чекори од луксузните и светски познати ресторани, како и до престижните бутици.
