Просечната цена на најевтиниот билет за натпреварите во четирите професионални дивизии во англискиот фудбал сe зголемила за 4.4% за последната година, што е речиси три пати повеќе од нивото на инфлација во земјата – 1,2%.
Арсенал повторно е најскапиот тим за гледање во живо со голема разлика пред останатите тимови.
Годишно истражување на „БиБиСи“ за цената на билетите во фудбалот покажува дека просечната цена на билет во оваа сезона е 21.49 фунти. Тоа е зголемување за 13% во однос на 2011-та година, или двојно повеќе од нивото на инфлација во истиот период – 6.8%.
Истражувањето кое беше направено четврта година по ред, е врз основа на податоците од 207 клуба – 176 од единаесет дивизии во британскиот фудбал и 31 од десет елитни лиги во Европа.
Според многу критичари, со брзото темпо со кои ги зголемуваат цените на билетите за натпреварите, клубовите во Англија ја изгубиле врската со своите фанови. А влегувањето во сила на исклучително профитабилниот нов договор за телевизиските права би требало да доведе до пад на вредноста на недостатоците.
Арсенал продолжува да ги држи највисоки цени на билетите во англискиот фудбал, а најскапиот е 97 фунти. Цената е намалена за 29 фунти во однос на минатата сезона, но продолжува да биде два пати повисока отколку за седум од останатите 19 клуба во Премиерлигата.
Најскапите билети на „Емирати“ чинат десет фунти повеќе од билетите за домашните натпревари на Челзи, а следните три позиции се за другите три лондонски тима – Тотенхем со 81 фунти, Вест Хем со 75 фунти и КПР со 70 фунти.
Големите тимови на северозапад – Ливерпул, Манчестер Јунајтед и Манчестер Сити, ги продаваат најскапите билети односно за 59, 58 и 58 фунти. Најевтино може да се гледа натпревар на Њукасл – за 19 фунти. Со една фунта поскап е најевтиниот билет на Хал Сити.
Но, додека најевтиниот билет на натпревар на Арсенал, кој ја вклучува традиционалната билет програма за англискиот фудбал, чај и пита, чини 36.30 фунти, тогаш за дуел на „Стемфорд Бриџ“ е 57.50 фунти.
Арсенал за повторно ги држи и најскапите сезонски билети – 2013 фунти. Ниту еден друг клуб не нуди толку високи цени, а најблиску е Тотенхем со 1895 фунти.
Освен тоа најевтините сезонски билети на „Емирати“ чинат 1014 фунти, што е повеќе од најскапите сезонски билети на 17 од останатите 19 клуба. Само на стадионите на Арсенал, Тотенхем и Челзи цената на сезонски билети ја поминува границата од 1000 фунти.
Шампионот Манчестер Сити го нуди најевтиниот сезонски билет во Премиерлигата – 299 фунти. Поскапи сезонски билети имаат дури 48 од 92-та професионални клубови во Англија – 19 од Премиерлигата, 15 од Чемпионшип дивизијата, десет од Прва лига и четири од Втора лига.
Најевтиниот сезонски билет во англискиот фудбал е за натпреварите на Чарлтон – 150 фунти. За споредба навивачите на Барселона можат да купат сезонски билет за 103 фунти.
Генерално просечната цена на сезонските билети во Премиерлигата од 2012-та година се зголемила за 8.7% – од 467.95 фунти до 508.55 фунти.
Здружението на фудбалските навивачи ги повика клубовите да ги користат средствата од договорот за телевизиските права, за да ги намалат цените на билетите. Малком Клар, претседател на организацијата, вели дека нема оправдување за зголемувањето.
На крајот, сепак просечната посетеност на натпреварите продолжува да бележи раст. Минатата сезона на дуелите од Премиерлигата имало во просек по 36.695 лица.
Во пониските дивизии се забележува сериозен раст во цената на дневните билети – 37% во Прва лига и 19% во Втора лига, а единствено во Чемпионшип дивизијата има намалување – со 3,2%, но и таму се зголемува посетеноста.
Гледачите на натпреварите во второто, третото и четвртото ниво на англискиот фудбал се зголемија за 136.000. Вкупната посетеност на гледачите во Чемпионшип дивизијата минатата сезона пак бил 9.1 милиони. Единствените европски првенства со повеќе се Премиерлигата (13.9), Бундеслигата (13.1) и Примера (10).
Во големите првенства надвор од Островот исто така, има високи цени на најскапите билети, но пак најевтините чинат значително помалку.
Дури Арсенал не може да се споредува со цената на најскапиот сезонски билет на Милан, каде ова задоволство чини 3.600 фунти. Во исто време на најевтиниот сезонски билети за натпреварите на „росонерите“ е 163 фунти.
Милан ги држи и највисоки цени на дневните билети меѓу клубовите во студијата – 298 фунти, додека најевтини се на францускиот Лил – 5.95 фунти.
Во Германија клубовите секогаш се давани за пример во однос на врската со навивачите и тоа е сосема разумно. Тие продолжуваат да ги држат едни од најниските цени на билетите.
Најевтиниот билет за натпревар на Баерн чини 11.75 фунти, а најскапиот – 54.82 фунти. Слична е ситуацијата и кај другите водечки тимови – Борусија Дортмунд (12.84 и 50.09 фунти), Шалке (12.14 и 48.56 фунти) и Баер Леверкузен (11.75 и 53.26 фунти).
Во Примера, Реал и Барселона држат цена на најевтините билети од околу 18 фунти, а најскапите 184 и 154 фунти.
