„Nokia“ објави дека постигнала договор со кинескиот мобилен оператор „China Mobile“, вреден скоро милијарда долари.
„China Mobile“ е најголемиот светски мобилен оператор, а „Nokia“ во текот на оваа и следната година ќе му испорача опрема и услуги во вредност од 970 милиони долари.
Испораката на опрема која е опфатена со овој договор започна веќе во текот на првиот квартал од оваа година.
По продажбата на работењето поврзано со мобилните телефони на „Microsoft“, сега „Nokia“ во најголем дел ќе се фокусира на телекомуникациската опрема и услуги.
