Компанијата „Google“ планира да го прошири своето главно представништво во Калифорнија со што би се осигурала дека нивните вработени ќе бидат „размазени“ како никогаш досега, а целиот проект ќе чини 120 милиони долари.
Google гради нов комплекс од 120 милиони долари
Нивниот тим на архитекти ги анализирале огромниот број на податоци и внимавале на секој детал, од излезот до залезот на сонцето, брзината на ветерот и формата на комплексот, се со цел нивните вработени да бидат што попродуктивни. Но исто така тие да се чуствуваат и пријатно на своето работно место. Вработените ќе бидат оддалечени на минимум две минути пешки еден од друг.
Овој интернет гигант ја започна изградбата на површина од 1.1 милион квадратни метри, а комплексот ќе биде готов до 2015-та година. Ова е првпат компанијата да гради проект од почеток, затоа што досега преставништвата беа модифицирани или надградувани.
Комплексот, кој исто така е познат како „bayview“, ќе биде направен од девет згради во облик на бумеранг, а секоја од нив ќе има четири ката. Гуглплекс, како што го викаат вработените, ќе има барови, ресторани, дворови, теретани, билјардски маси, голф терени, сала за клуглање и многу други работи. Сите девет делови од комплексот ќе бидат поврзани со мостови, а автомобилите ќе бидат паркирани во подземни гаражи.
Инаку, „Apple“ исто така прави свој нов комплекс кој се простира на 2.8 милиони квадратни метри за своите 13.000 вработени во градот Капертино.