Украина потпиша меморандум за разбирање со Европската унија за добивање на кредит во износ од 610 милиони евра.
Овој договор е условен со одлука на Европската комисија која треба да процени дали Украина успешно ги спроведува условите од финансиските аранжмани со Меѓународниот монетарен фонд.
Меморандумот во Брисел го потпишаа министерот за финансии на Украина, Јуриј Колобов, Гувернерот на Националната банка на Украина, Ихор Соркин и потпретседателот на Европската комисија за економски и монетарни прашања, Оли Рен. Позајмицата ќе биде доделена на четири рати, од 100, 10, 250 и 250 милиони евра во период за отплата од 15 години. Каматната стапка за доделениот кредит не е соопштена.
Во јули 2010-та година ММФ одобри стендбај аранжман за Украина во износ од 15.15 милијарди долари за поддршка на украинските власти за економско прилагодување и програма за реформи.