Раководството на Арсенал се повеќе очигледно се насочува кон ѕвездата на Шалке 04, Јулијан Дракслер. Англискиот гигант испратил свои скаути да ги набљудуваат настапите на германскиот репрезентативец, околу чија иднина веќе се шпекулира во последниве две години.
Сигурно луѓето на „топџиите“ го гледале Дракслер во натпреварот против Марибор во Лигата на Шампионите, кој заврши со резултат 1: 1.
21-годишниот фудбалер неодамна се покажа како доста самокритичен, велејќи дека во моментов не настапува на ниво со кое ќе го разбуди интересот на некој голем тим. Сепак, изгледа тој го постигнал токму тоа со Арсен Венгер.
Во договорот на Дракслер фигурира клаузула за откуп од 37 милиони фунти, а на „Островот“ веруваат дека Арсенал ќе се обиде да ја активира.
Останува да се види, дали тимот од Лондон ќе реагира во зимскиот преоден рок или можеби тоа ќе го сторат по завршувањето на оваа сезона.
