Советот на Народната банка на Република Македонија ги усвои финансиските извештаи на Банката и Годишната сметка за 2012 година кои беа предмет на ревизија на независно друштво за ревизија, соопшти Кабинетот на гувернерот на НБРМ.
Во соопштението стои дека според мислењето на независниот ревизор, Финансиските извештаи на Народната банка на Република Македонија, од сите материјални аспекти објективно ја претставуваат финансиската состојба на Народната банка на Република Македонија на 31 декември 2012 година, како и резултатите од работењето и паричните текови за годината што тогаш заврши, во согласност со Меѓународните стандарди за финансиско известување (МСФИ).