Еден од најдобрите луксузни домови некогаш изградени во Онтарио – „Saxony“ вилата, преку аукција е продадена во текот на минатиот месец…
Овој прекрасен имот кој потсетува на палата и има преку 1.800 метри квадратни простор, продаден е по намалена цена. Најпрво, бараната цена изнесувала 11 милиони долари, но продаден е по цена од 5,5 милиони долари. Сепак, тоа е многу поволно, со оглед на тоа дека прилагодените завршни детали во ентериерот на оваа луксузна вила чинат 1,5 милиони долари.
Оваа магична луксузна вила се наоѓа на половина хектар земја, која има поглед на прекрасно уредениот голф терен и блискиот „Country“ клуб. Има 23 соби и девет бањи. Некои од елементите кои ја прават оваа вила многу луксузна се мермерот од Шпанија, големата врата од махагон од Хондурас, прекрасно декорираните плафони, подовите од бел даб, како и рачно декорираниот камин од мермер. Вилата, исто така, содржи и автоматски смарт систем за безбедност, лифт и гаража за осум автомобили.
Уште некои од погодностите кои ги мамеа многуте потенцијални купувачи се и најмодерно опременото домашно кино и собата за игри, со грејни подови и прекрасен бар.
