Деловната активност на приватниот сектор во еврозоната овој месец забележа намалување, соопшти денес лондонската компанија „Маркит“, наведувајќи дека нејзиниот менаџерски индекс на набавка (ПМИ), кој е еден од водечките индикатори во европската монетарната унија, се намалил на 47,3 од 48,6-те индексни поени во јануари.
Минатиот месец активноста на приватните претпријатија беше на највисоко ниво во последните 10 месеци.
– Падот на индексот во февруари претставува разочарување и покажува дека еврозоната е на пат во првите три месеци од оваа година да забележи негативен економски раст, четврти квартал по ред, изјави главниот економист на „Маркит“, Крис Вилијамсон.
Тој нагласи дека, и покрај намалувањето на ПМИ, економскиот пад во првиот квартал би требало да биде помал во однос на 0,6-те отсто, колку што економијата во еврозоната се намали во последните три месеци од минатата година. Вилијамсон за овој квартал предвидува пад на бруто домашниот производ од 0,2 до 0,3 отсто.
