Шведската автомобилска компанија „Volvo“ во сопственост на кинеската компанија „Geely“ објави дека ќе укине 1.000 работни места во текот на оваа година, односно пет проценти од вкупниот број на вработените.
„До крајот на годинава, најверојатно ќе укинеме 1.000 работни места“, изјави портпаролот Пек Аке Фреберг.
Според податоците од септември 2012 година, шведската компанија, која во септември имаше 22.400 вработени, минатата година, исто така, укинала 1.100 работни места.
Намалувањето на работните места во компанијата е со цел да се намалат трошоците на компанијата, од компанијата велат дека, намалената побарувачка и намаленото производство во последните три години си го направиле своето.
