Патничките бродови се како пловечки луксузни градови. На нив има се – луксузни соби и апартмани, ресторани, спа центри и се разбира – базени.
Погледнете некои од најимпресивните базени на бродовите:
1. „Princess Cruises“
На секој брод има кино до базенот, па можете да гледате филм, додека си лежите на лежалки. На бродовите „Royal Princess“ и „Regal Princess“ се најголемите кино екрани. Во текот на денот тие покажуваат спортски настани и други забавни емисии.
2. „Viking Cruises“
На новите три брода на компанијата – „Viking Star“, „Viking Sky“ и „Viking Sea“, кои ќе се појават во 2015-та и 2016-та година ќе има инфинити базени – нешто што досега е реткост во индустријата. Тие ќе изгледаат како претекување во океанот.
3. „Sanctuary Retreats“
Бродот „Sun Boat III“ плови по реката Нил. Базенот „Cleopatra’s Oasis“ целосно го оправдува своето име. Околу него има засадени вистински палми. Кога ќе ви се здосади да лежите на лежалките, пијте коктели во барот на базенот.
4. „AmaWaterways“
Европските бродови по реки, ретко имаат базени. Исклучок се „AmaWaterways“ на нивните бродови „AmaCerto“, „AmaPrima“, „AmaSerena“, „AmaReina“ и „AmaSonata“. Тие имаат базени и бар во вода, од каде што може да ги гледате најубавите места низ кои поминува бродот со коктел во рака.
5. „Royal Caribbean“
На „Brilliance of the Seas“ можат да патуваат само патници над 16 години. Бродот има неверојатен спа центар, а базенот е со подвижен покрив и може да се ужива без оглед на времето.
6. „MSC Cruises“
На бродот „MSC Divina“ може да пливаат во базенот „Garden Pool“ кој е забранет за деца. Тој е од типот инфинити и се чинеше дека ќе се спои со океанот.
7. „Royal Caribbean’s AquaTheater“
Најдлабоките базени на патнички бродови се оние на „Oasis of the Seas“ и „Allure of the Seas“ – 5.4 метри. Навечер тие се претвораат во Аква театри, каде што може да се види претстава на скокови во вода, водни акробати и синхронизирано пливање. Имаат и фонтана со височина на статуа од 20 метри.
8. „Oceania Cruises“
Базените на бродовите „Marina“ и „Riviera“ се стилски и убави, имаат џакузи, бар, голем ТВ екран и многу лежалки. Ноќе базенот свети со „LED“ светла.
