Во Хрватска 76 проценти од домаќинствата имаат помали приходи од потребните, а министерот за финансии Славко Линиќ сака да ги намали минусите на тековните сметки со образложение за нивно добро.
Истражувањето за приходите и трошоците на домаќинствата за минатата година покажува дека едно просечно хрватско домаќинство располага месечно со 6.300 куни, а оценуваат дека за задоволување на основните трошоци потребни им се 8.955 куни (едно евро=7,56 куни).
Најголеми приходи се остваруваат во Загреб – 7.043, а најниските се во Славонија – 5.280 куни.
Линиќ најави намалување на минусот на една наместо на досегашните три плати и им објасни на граѓаните дека долгот ќе можат да го вратат со земање на кредит со три отсто помала камата отколку сегашаната што е за минусот. Каматите на минусот се ограничени со закон од 12 проценти
Се проценува дека во моментот секој втор Хрват е во минус, а дозволените пречекорувања на тековните сметки кон крајот на 2012 година достигнале до 7,3 милијарди куни.