Индустриското производство во Велика Британија е намалено во мај за 0,7 проценти во однос на претходниот месец, соопшти Заводот за статистика ОНС.
Аналитичарите се изненадени од овој пад, со оглед на тоа дека очекуваа дека ќе биде забележан раст од 0,3 проценти, колку што беше забележан и во април, пренесува АФП.
На годишно ниво во мај, сепак, е забележан раст на индустријата од 2,3 проценти, што е малку под очекуваните 3,2 проценти.
Мајскиот пад е последица од намалувањето на активностите во преработувачкиот сектор од 1,3 проценти, особено во фармацевтската, металуршката и електронската индустрија.
