Специјална колекција за љубителите на класични и вечни торби.
Она што е старо, тоа е и добро, со право се вели така. „Moda Operandi“ и „Heritage Auctions“ ви ја претставуваат внимателно одбраната колекција на ексклузивни „Hermes“ торби, како што се „Birkin“ и „Kelly“. Од егзотични кожни торби, со преубави бои, до стилизирани рачки, изборот е голем. Поголемиот дел од оваа колекција е веќе распродаден, така што, мора да се делува брзо за да се дојде до еден примерок од оваа колекција.
Оваа 35cм „Shine Electric Blue Porosus Crocodile Birkin“ торба просто ги хипнотизира луѓето околу вас. Нејзината цена е 73.100 долари.
Оваа 35cм „Gris Elephant Porosus Crocodile Birkin“ торба се продава за 63.250 долари, а нејзината боја ја прави вистинска класика.
Колекцијата на торби не е потполна без „Birkin“ торбите и оваа 40cм „Shiny Black Alligator Birkin“ торба која ќе биде совршен додаток. Нејзината цена е 53.453 долари.
Дефинитивно најбарана торба за остварување на сонот на секој стилист била 30cм „Tangerine Ostrich Birkin“ торбата. Нејзината цена изнесува 23.539 долари.
„Sanguine Matte Nilo Crocodile Kelly Cut“ торбата е вистинска „придружничка“ на секоја жена на модерното време која сака дизајни без многу „бучава“ и со многу функционалност, која може да и послужи и дење и ноќе. Сумата која треба да ја издвоите за оваа фантастична торба е 21.500 долари.