За оние со „длабоки џебови“, кои ја знаат вредноста на квалитетните и скапоцени пијалоци, постои понуда за нова авантура која трае 40 дена…
Оваа авантура вклучува посета на хотелите со 5 ѕвезди, 10 неверојатни локации, како и дегустација на некои од најексклузивните пијалоци.
Меѓу најважните елементи на ова патување е коктелот со дијаманти, кој по цена од 12.000 фунти се служи во „Algonquin“ хотелот во Њујорк, како и дегустација на „Armand de Brignac Dynastie“ од 330,000 фунти во Клубот на Милијардери во Монако.
Покрај тоа, гостите имаат опција да ги изберат локациите во кои ќе уживаат во единствената и скапоцена „Ампула на црвеното вино“, вредна 110.000 фунти, како и дегустација на „Jose Cuervo 250 Aniversario“ текила во Лас Вегас која чини 400 фунти за една чаша.
Сепак, ова патување не им е посветено само на пијалоците. Гостите ќе имаат прилика да уживаат и во приватните тури, прошетки, па дури и во приватен хеликоптер. Покрај тоа, ќе имааат можност да уживаат во некои од најексклузивните барови и ресторани во светот, како што е „Hermitagе“ во Монако, „Mandarin Oriental“ во Лас Вегас и „Crown Club Casino“ во Мелбурн.
Доколку ви се допаѓа овој аранжман, за ова патување потребно е да издвоите 750.000 фунти, односно 1,25 милиони долари…
