Според пишувањето на „TechCrunch“, „Google“ наводно е во доцна фаза на преговорите за превземање на компанијата „Skybox Imaging“.
„Skybox“ користи евтини стателити за снимање на многу детални слики и видео записи на одредени локации, т.е. им нуди аналитички услуги на бизнис корисниците.
Доколку овие информации се точни, тоа ќе биде втората компанија која е поврзана со летала која оваа година ја купи „Google“. Имено, „Google“ ја превзема компанијата „Titan Aerospace“, специјализирана за производство на беспилотни летала на соларен погон.
Информациите кои ги пренесе „TechCrunch“, велат дека „Google“ e подготвен да плати повеќе од милијарда долари за „Skybox“.
