Сотирио Булгари ја започнал својата кариера како златар во својот роден град во западниот дел на Грција…
Потоа, се преселил во Италија, односно во Рим, каде основал бренд кој сега го носи неговото име. Во годините кои следат, „Bvlgari“ станува светски познат и интернационално реномиран бренд со многу престижни и моќни клиенти.
Компанијата оваа година слави 130 години од своето постоење, а одлучи по тој повод да го лансира новиот прстен, како дел од својата позната „B.zero1“ колекција.
Новиот прсетен е единствено посветен на италијанската престолнина, градот кој бил дом на основачот на овој бренд пред многу години.
Овој парче претставува четири делови од топла, бронзена керамика, опкружен со нежно розево злато и зборот „Roma“, изгравиран на работ. „Bvlgari“ брендот, инаку, планира да ги прошири своите деловни активности во наредниот период со лансирање на специјално издание на накит, часовници, аксесоари и парфеми.
