Џеф Кунс е светски познат и многу успешен современ уметник, чии ремек дела се продаваат за осумцифрени суми…
Неговото уметничко дело кое е претставено пред неколку дена претставува совршена статуа на легендарниот цртан јунак Попај, а продадена е за многу висока цена на аукцијата. Кунс на оваа статуа, која го претставува познатиот морнар Попај како ја држи конзервата со спанаќ додека ги покажува своите мускули, работел во периодот од 2009 до 2011 година.
Скулптурата е направена од полиран нерѓосувачки челик, го претставува совршениот поп арт стил и секако човековата и натчовековата природа на Попај.
За време на прес-конференцијата, откриено е дека статуата, која ја купи Стив Вин за 28 милиони долари, ќе биде изложена во еден од неговите хотел во Лас Вегас.
