Загреб – Кинеската деловна асоцијација на Југоисточна Европа (CSEBA) во соработка со странски партнери, почна активности за основање на нова приватна авио-компанија.
Новата авио-компанија со директни летови ќе ја поврзува Хрватска со градовите на југоисточна Европа и централна Азија, а меѓу другото, после 23 години со директна воздушна линија ќе бидат поврзани Загреб и Белград, јави порталот Index.hr. Се очекува цените на авио билетите да бидат на ниво на нискотарифни превозници.
Загреб – Министерот за труд и пензиски систем Мирандо Мрсиќ порача дека Владата на Хрватска не планира да се откаже од целосната забрана на алкохол на работно место.
Министерот потсети дека имало полемики околу дефинирањето на алкохолизирање на работа и нагласи дека тоа треба да се прецизира.
– Во законот запишавме дека е забрането на работа да се доаѓа алкохолизиран и тие нула промили е нешто од што не отстапуваме, додаде Мрсиќ, претставувајќи го пред Соборот конечниот Предлог нов Закон за заштита на работа.
Москва – Претседателот на Русија, Владимир Путин ќе отпатува утре во Кина во посета, чија цел е да ги зајакне односите меѓу двете земји, особено во областа на енергетиката. Во текот на дводневната посета на Шангај, Путин и неговиот домаќин, кинескиот претседател Си Џинпинг, ќе настојуваат да го склучат гасниот договор, кој треба да отвори голем кинески пазар на Русија, во моментот кога Европа се обидува да ја намали својата зависност од рускиот гас.
Берлин – Технологијата на “Д печатари е во експнзија, но постојат стравувања дека тоа би можело да го поттикне ширењето на пиратеријата, известува Дојче веле. Деновиве „на сцена“ се појави компанија од, донеодамна, непозната стопанска гранка – тродимензионално печатење. Бумот на новата индустрија не е само причина за славење бидејќи новата технологија би можела да поттикне пиратерија.
Берлин – Германското стопанство во текот на првиот квартал оствари неочекуван раст, јави „Дојче Веле“.
Во другите држави на еврозоната стопанските околности се многу полоши, но сепак не онака како што многумина верувале дека ќе бидат.
Сојузниот Завод за статистика објави дека германското стопанство во првиот квартал остари раст од 0,8 отсто, што е најдобар резулат од почетокот на 2011 година. При тоа треба да се земе предвид, дека германстото стопанство во последниот квартал во 2013 година имаше раст од 0,4 отсто, што значи дека таа напредува „се побрзо и посилно“.
Лос Анџелес – Имотот „Самертајд“, кој некогаш го поседуваше американскиот милијардер Хауард Хјуз, се продава за 19,5 милиони долари, јави порталот Индекс. Имотот славниот милијардер го купил во 1934 година.
Куќата на езерото Тахо е изградена во дваесеттите години од минатиот век за адвокатот, Таскер Оди, кои подоцна станал 12-тиот гувернер на Невада. Имотот го продал на еден англиски лорд, а во 1934 година заврши во рацете на индустријаелцот и филмски продуцент, Хауард Хјуз.
Детроит – Компанијата „Џенерал Моторс“ имала список на зборови за вработените кои ја проверуваат исправноста на автомобилите, а не смеаат или не е препорачано да ги изговараат на работното место. На списокот од 68 зборови „дефект“ е првиот збор кој не смее да се изговори ниту за еден модел на автомобил. Тој збор е забранет и да се пишува и да се наведува во документацијата за возила.
На списокот се наоѓаат меѓу другите зборови – лош, застрашувачки, опасен, страшно, зло, апокалиптичен и распаѓање. Покрај „лошите“ зборови се наоѓаат и „безопасни“ зборови како „секогаш“ и „никогаш“.
Пекинг – Новите лоши заеми во кинските банки драстично се во пораст во првите три месеци во 2014 година, а аналитичарите тврдат дека се на највисокот ниво во последните три години. Обемот на ненаплативи заеми во кинеските банки кон крајот на март изнесувал 646,1 милијарда јуани (103,6 милијарди доалри), што е за 54,1 милијарда јуани повеќе во однос на почетокот на годината, се наведува во соопштението на Кинеската банкарска регулаторна комисија (CBRC).
Коментари