Втората по големина италијанска банка „Intesa Sanpaolo“ во првиот квартал од оваа година оствари нето профит од 503 милиони евра, што е речиси за две третини повеќе отколку минатата година.
Аналитичарите предвидуваа доста понизок профит од 363 милиони евра, пренесува агенцијата Франс прес.
Приходите пред оданочувањето се зголемени за 22,5 проценти на 953 милиони евра. Резултатот претставува значителен пресврт во однос на оној од 2013 година, кога банката евидентираше нето загуба од 4,55 милијарди евра, по големиот отпис на средствата.
„Целите на профитабилноста оваа година ќе ги формулираме со внимателно следење на ризиците и ликвидноста“, наведува „Intesa Sanpaolo“.
